206

REGISTRES DU BUREAU

[i5₇i]

amas dud. bois à brusler pour le service de Sa Majesté et fourniture des princes et seigneurs de sa suicte qui seront en grand nombre.

Au moyen de quoy, desirant messieurs les Prevost des Marchans et Eschevins de lad.Ville à ce pourveoir aultant qu'il leur sera possible, estans assemblez au Bureau d'icelle Ville, ont, la matiere mise en deliberation, ordonné et ordonnent que les jurez mos-lours de boys de la Ville seront mandez au premier jour, ausquelz sera enjoinct de eulx informer secrettement, tant ès relligious M de ceste Ville que chantiers ct autres lieux où y a amas et quantité de bois, eulx enquerir quel nombre et quantité y en peult avoir pour en tirer secours, quant besoing sera, etde tout nous faire leur rapport et procès verbal.

Ce qui fut faict le landemain xxvi^mc jour desd, mois et an, et lad. injonction et commandement faict aux procureurs de la communaulté desd, mos-leurs, pour ce mandez, qui prosmisdrent en faire leur debvoir incontinant.

Aussi a esté ordonné que les marchans qui ont cy devant faict et autres qui font encores trafficq dud. bois en lad. Ville seront pareillement man-

dez, pour donner leur advis et estre oyz sur le reiglement que lesd, sieurs y entendent faire, et que ce pendant Sad. Majesté sera supplyée de commander lettres estre expediées à ses Bailliz, Prevostz et Officiers des villes d'Auxerre, Sens, Montereau, Melun, Corbeil et aultres villes assizes le long et près de lad. riviere de Seyne, et aultres descendans en icelle, à ce qu'ilz ayent à faire charger et admener en ceste-dicte ville tous les bois estans ès ventes et sur les portz de leurs jurisdictions pour l'effect dessusdict, et ce<²> rcaulment et de faict.

Depuis ont été mandez m" Charles Leconte, Françoys Guignaut, Guillaume Dupuis, Geoffroi Chaillou, et aultres marchans de bois de lad. Ville, lesquelz ont dict sur ce enquis qu'ilz ne savent à present moyen plus expédient pour recouvrer dud. bois, sinon que ceulx qui en ont en ceste Ville en aydent aux aultres qui n'en ont, el envoyer à Crevant'³* et autres lieux où il y en a, pour le faire charger et admener en ceste Ville en toute dilligence.

Ce qui a esté faict, ct ont. esté expédiez et envoyez lettres du Roy à ces fins aux officiers dessus-dietz.

CCCL1X [XLVI]. — Pour l'establissement d'un bac au port du Louvre.

27 janvier 1571. (A, fol. 28 v°; B, fol. 3i v°.)

Ce xxvn^me jour de Janvier v° lxxi , messieurs les Prevost des Marchans et Eschevins de la Ville de Paris estans assemblez au Bureau pour les affaires d'icelle Ville, mond. s^rle Prevost des Marchans a dict que, estant le jourd'hier au Conseil privé du Roy, il luy

auroit esté dici de par Sa Majesté que son intention estoit de faire mettre, ériger et establir ung bac sur la riviere, pour passer à l'endroict du Louvre ou ès environs , du costé de Sainct Germain des Prez ⁽⁴⁾, tant les pierres et autres matieres necessaires pour le

vins. Beaucoup de délibérations, de résolutions et d'ordonnances sur ce sujet sont retracées dans nos Registres; nous serons à même de les compléter au moyen de mandements, commissions, procès-verbaux et autres actes variés que l'on rencontre parmi les Acquits du domaine dc la Ville. (Voir particulièrement ci-dessous n° CCCLXIII et la note.)

O Dans les monastères.

I-' Les mots "dessus dict, et cen manquent dans B.

<-' Cravant, canton de Vermenton (Yonne).

<⁴⁾ L'établissement de ce bac avait été décidé en 155o, puis en i564. (Voir Topographie hist, du vieux Paris, t. IV, région du faubourg Saint-Germain, p. 44-45.) Le présent texte parait avoir échappé à l'auteur de ce volume, de sorte qu'il assigne une date trop ancienne à la mise â exécution de cette mesure. Charles IX était d'autant plus à même de se rendre compte de la nécessité d'un bac fixe, à défaut de pont, en cet endroit, que, à la fin d'octobre et au commencement de novembre précédents, il avait séjourné avec sa cour à Saint-Germain-des-Prés, et que pour lui faciliter l'accès du Louvre, on avait dû installer un bac provisoire en réquisitionnant le câble nécessaire' chez un maître passeur du voisinage. "Je François Beaugendre, sergent de l'Hostel de la Ville de Paris sur le faict de la marchandise de l'eaue, certiffye à mess" les Prevost des Marchans et Eschevins de cestedicte ville que, suivant leur commandement et ordonnance verballe, j'ay puis naguieres cy devant prins et faict enlever une corde hune du basteau de Pierre Cocquart estant au Port de l'Escole Sainct Germain, et icelle corde en l'instant delivrée et baillée à Claude Lesecq, Martin Rachat, Jehan Verset, Nicolas Jougan et aultres passeurs dudit port de l'Escole, laquelle ilz ont applicquée au bacq d'icelle Ville, dressé de l'arche du Louvre au port de Nesle, du costé de Sainct Germain des Prez, pour passer et repasser le Roy et ceulx de sa court logé au faulxbourg dud. Sainct Germain, tesmoing mon seing manuel cy mis, le x* jour de novembre mil v° lxxj.. Signé : "Beaugendre».

A ce procès-verbal sont annexés : 1° une requête de Pierre CocquuHpour être payé de son câble, dont il fixe le prix à 80 livres;